MNF Adviser Pu J. Malsawmzuala Vanchhawng chuan ZPM sorkar chu an kal dan tur a chiang thawkhat tawh tih a sawi a, ni 100 chhunga an tih tur an bawhzui dan chuan beisei a phak lo tih a sawi bawk.
Vawiin khan MNF hian Aizawl Press Club-ah chanchinbu mite an kawm a, an thu puangtu Pu J. Malsawmzuala Vanchhawng chuan ZPM chuan Lok Sabha MP candidate tur an vawrh chhuah danah pawh, ram, hnam leh sakhua humhim thei tur aiin sum hai chhuah dan thiam tur an dah zawk niah an ngai a, kum 2024-2025 budget an pharh takah mahni inhai vurna lam a langsar bawk nia sawiin, hei vang hian mipui ten ngaihtuahna seng nawn se an duh thu an sawi a ni.
Pu J. Malsawmzuala Vanchhawng chuan ZPM chu kuthnathawktu hmangaihtu nia inchhal an nih laiin, kum 2024-2025 budget hmanga an lan chhuahtir dan erawh a letling hlauh tih a sawi a, lo neih leh a kaihhawiha hma lakna turah cheng nuaih 8107 chiah an dah tih sawiin, hei hi MNF sorkar lamta in a dah aiin 48% laiin a hniam zawk tih a sawi bawk.
