Lawngtlai District Bungtlang South BDO Pu Gilbert Lalhlimpuia chuan Bungtlang South Higher Secondary School (Samagra) ah mahin inpe in zirtir hna a thawk.
Bungtlang South Higher Secondary School ah hian Arts Subject paruk, English, Political Science, Socialogy, History, Education leh Mizo awmin, tun dinhmunah Zirtirtu pathum an awm mek a, BDO hian kar hmasa Zirtawpni khan Bungtlang South a School hrang hrangte tlawh kualin, Higher Secondary School ah Zirtirtu an indaihloh vangin Zirlai naupangte hmakhaw ngaiin a hunawl Office kai hma leh hun thawl a neih ah naupangte a zirtir thin a ni.
Thudawn danin Bungtlang South Higher Secondary School ah hian Zirtirtu hmunruak pathum a awm mek a, hnawhkhah tumin Sorkar chuan hma a la reng a, Zirtirtu tura dah zingah harsatna hrang hrang neih vanga zawm talo an awm a, hna dang thawh duh zawk vang a zawmlo pawh a awm a, insiamrem ngai a la awm vangin Zirtirtu hmunruak hi la hnawhkhah ala ni lo a ni.
