Vawiin khan Mizo Zirlai Pawl (MZP) General Headquarters, Aizawl in High School Leaving Certificate (HSLC) Examination Top 10-a Mizo tlingte chawimawina hun Aizawl Vanapa Hall-ah an buatsaih.
He hunah hian PHE Minister Prof. Lalnilawma chuan HSLC Top-10 a tling Mizo zirlaite chu lawmpuina leh duhsakna a hlan a. Chutih rualin an bul tanna a nih avangin, an hmabak a la tam a. Hlawhtling zel turin theihtawp chhuah turin zirlaite chu a fuih a ni. HSLC 2024 a Mizo Zirlai titha chawimawina hunah hian MZP President Pu H. Lalthianghlima chuan thusawina hun a hmang bawk a ni.
Vawiina HSLC 2024 Top 10-a Mizo tling chawimawina hunah hian mipa 5 leh Hmeichhia 8 te hnenah chawimawina thuziak, tangkafai cheng sang nga (5,000), Lalhmachhuana Zofa lehkhabu ziah ‘Mizo Lui Hmingthangte’, tih leh Mizoram General Knowledge English Edition bakah Lalhruaitluanga ziah Zirna Lamtluang Lehkhabute hlan an ni.
