Tukin khan W. Phaileng Bazar-ah Project Management Unit leh PHED ṭangkawpin an buatsaih Faina hnatlang khuh hawnna neih a ni. He hun hi Pu Lalfakawma, SDO PHED West Phaileng chuan kaihruaiin faina kawngah khawtlang an ṭanrual thu sawiin, YMA Section tinah Inrinni apianga hnatlang an neih ṭhin thu leh PHED Department hmalakna chu khawtlang anga an ṭawiawm ṭhat thu a sawi.
Pi Laltharzeli, Ambassador PHED chuan hnatlang hi Kick off-in PHED Department chuan District chhung khawtinte faina kawnga hma kan sawn chu an thupui ber a nih angin hma an la chho mek zel a ni tiin, W. Phaileng chu khawfai leh entawn tlak an nih thu leh khawdang tan pawha entawn tlak ni zel turin a chah a. Khawtlang nu leh pa, tlawmngai pawl hrang hrang te’n naupangte faina kawnga ṭhahnemngaihna chang an hriat nana an kaihhruaina chu lawmawm a tih thu sawiin, Mamit District Aspirational District kan nihna aṭanga hmasawnna hmel kan hmuh theih nan faina kawngah mitinte’n ke kan pen chu a ṭul a ni a ti.
Vawiin faina hnatlang khuhhawnna-ah hian tlawmngaipawl hrang hrang hruaitu, khawtlang hruaitu, Sanitation Committee hruaitute an tel a ni. PHED kaihhruaina hnuaiah District chhung khaw hrang hrangah faina hnatlangpui hi neih chhunzawm a ni ang.
