Krismas leh Kumthar hunpui boruak muanawm tak hnuaia hman a nih hnu in Mizoram ah mipui ten vawiin atang khan nunphung pangai an zawh leh tan.Hunpui avanga chawlh a nih hnu ah vawiin ah Sawrkar Pisa te an kai leh tan a. Restricted holiday a nih angin tul zual thawk tur ni lo chu sawrkar hnathawk chawl an la tam hle a.
Sawrkar Pisa a la thawl in dawr tur an la awm mang lo a, hetih lai hian Supplies department leh department thenkhat te chu mipui mamawh buaipui ngai reng an nih avangin an tul nghal hle thung a ni. Mizoram khawpui Aizawlah chuan mipui ten nunphung pangai an zawh leh tan a.
Hetih rual hian khawpui lùn thin lai leh Bazar te a la thawl hle a. Dawr thenkhat chu dawr theihin inhawng tawh mahse, dawr engemaw zat chu an la in khar thung a, Khawpui chhungah hun đang ang lo tak in traffic jam a awm lo a. Motor chhuak vak pawh tam lovin khawpui pawh a thawl hle a ni.
