Union Minister of Law & Justice (Independent Charge) Arjun Ram Meghwal chuan vawiin khan Aizawla Rozgar Mela ah Mizoram atanga sorkar laipuia hna hmu thar mi 18 hnenah appointment letter a hlan.
Sawrkar laipui in hna neilo te tana hna a siam sakna kawnga hmalakna pakhat, Rozgar Mela hi vawiin khan Gajraj Hall, 2 Assam Rifles, Aizawl ah neih a ni a, ramchhung hmun dang ruala Prime Minister Narendra Modi an hna hmu thar te appointment letter a hlan leh hna hmu thar te tana thuchah a sawi te chu biakhmuhtheihna kaltlangin Aizawl atang pawh hian kalkhawm ten an chhim a, khuallian Union Minister Arjun Ram Meghwal chuan Mizoram atanga sorkar laipuia hna hmuthar zinga thlan bik mi 18 hnenah appointment letter a sem nghal a ni.
