India rama khawpuite a lo fai a, a lo thianghlim theihna tura sawrkar laipuiin hma a lakna hnuaiah, UD&PA Lunglei pawhin theihtawp chhuahin veng hrang hranga tlawmngaipawlte leh sikul naupangte nen thawhhona tha tak hnuaiah hma an la mek zel.
UD&PA Lunglei hnuaiah hian Lunglei khawpui chhunga mi harsa zawkte tan ekin sak tanpuina a pe chhuak thin a. Kum 2023 chhung khan Lunglei khawpuia cheng chhungkaw 590 hnenah 1st Installment cheng 6000 theuh a pe chhuak tawh a, vantlang inthiarna tha tak hmun 2-ah sak a ni bawk.
Awmze nei zawk a bawlhhlawh sawngbawlna tur Lunglei Solid Waste Management Center sak mek a ni a, he Center hi sak zawh a nih hunah chuan Lunglei khawpui chhung bawlhhlawhte hi hmun hrang hrang a paih tawhlo in he Center ah hian mumal taka sawngbawl tawh tur a ni. India rama khawpui fai inelna Swachh Survekshan hi kum tin neih niin Lunglei khawpui hian lawman engemawzat a lo dawng tawh a ni.
