Toyota Kirloskar Motor (TKM) chuan nimin khan Indian Army leh FICCI (Federation of Indian Chambers of Commerce & Industry) nena tangkawp buatsaih Himtech 2024 symposium an buatsaih ah a bik taka siam leh ngaihhlut hlawh Hilux (thawhpui hmun dang ami te nena nalh leh tha thei ang ber tura siam danglam) an pholang. Ram pum huap thil tum “Raksha Atamanirbharta’ lam pan zelin venhimna thawktute hnena hmanraw tha ber ber leh danglamna awm thei tur siamsak turin, heng pawl pahnih (Indian Army & FICCI) te hian “HIMTECH 2024” atan sipai thiamna hrang hrang hman tangkai lam ngai pawimawh takin an thawkdun a, hmun sang tak tak (HAA) mil thei turin duan a ni. September 20 leh 21, 2024 khan Rinchen Auditorium Grounds, Leh, Ladakh-ah neih a ni a, Army Commands, Air Force, ITBP (Indo-Tibetan Border Police), ralrel thiam te leh mi pawimawh dangte leh TKM aiawh te nen an tel a ni.
Toyota hmingthanna QDR (A thatbikna, Daihreina, leh Ngialnghehna) hmanga khalh niin, he 4×4 khaw awmdan engkim mil, kawng mumal loa tha ber tiha sawi ngam hi mithiam takin a enfiah ni a, hei vang hian customer hrang hrang, duh bik nei tan pawh duhthlan theih tur tha tak tak a awm a, a ken tel te pawh Indian Army thiltumte nen pawn lam sumdawng phalna neiin an puihnain siam danglam a ni. Heng lirthei chei danglam te hian TKM-in sumdawnna leh thawhpui hrang hranga dawrtute mamawh phuhrukna tur hmanraw danglam bikte hriatchhuah a tumna a tilang a, hei hian ‘Mitin tana inpekna’ a siam thei a ni. Nikum khan TKM hian Northern Command of Indian Army buatsaih North Tech Symposium-ah Hilux pahnih – Field Diagnosis Vehicle (FDV) leh Rapid Intervention Vehicle (RIV) te an pholang. TKM hian Hilux fleet lian tak a hlan a, hei hi company-in Indian Army hnena an Hilux an pek hmasak ber a ni. Hei bakah hian company hian Indian Army Northern Command-ah lirthei khalhtute leh service technician-te tan kawng mumal loa lirthei khalh zirna a pek bakah lirthei enkawl dan tur zirtirna a pe bawk. Toyota hian ram hmasawn zelna ngai pawimawhin venhimna hnathawktute chu mahni inrintawkna an neih theihna tura a thlawpna nasa tak a lantir a, tunlai thiamna nasa taka hmang tangkai in a thuam chak a ni.
A ngaihdan sawiin, Toyota Kirloskar Motor Vice President – Strategic Business Unit (North) Mr. V. Wiseline Sigamani chuan, “Himtech 2024-a tel thei hi kan lawm hle a, danglam tak leh ngaihhlut bika siam Hilux (tha bik taka thawhpuite nena duan)-a thil danglam bikte kan pholang thei hi kan lawm hle a ni. Hilux hi a lirthei tha bik anih avangin lirthei siam danglam te hian Toyota’s thiamna chi hrang hrang a lantir a, dawrtute mamawh danglam bik (e.g. sipai lam mamawh) phuhrukna tur a siam danglam a, sumdawnna atana hmanraw hrang hrang atana hman tangkai theihna ropui tak a ni. Tin, heng lirthei te hi sipaite hnathawhna lama harsatna awmte ngaihtuah chungin siam a ni a, chu chu hmun rualremloa khalh theihna, khawi hmunaha kal theihna, zan lama hmuh theihna telin tunlai thiamna leh rikrum thila chhanchhuah hna thawhna tur leh thil dang tam tak a ni. Kan thil siamte tichangtlun zel hian, hmalam pan zel a lo awm thei tur thil tul danglam tak takte chu thlawp turin kan inpeih reng a ni.”
