Tourism Minister Pi Lalrinpuii’n chuan hmarchhak state in tourism lama hma an sawn theih nan a bik taka ṭanpui an ngai tih a sawi. He thu hi nimina Shillong khawpuia state hrang hrang leh UT aiawh palai telna Tourism Ministers Conference ah sawiin Mizoram Tourism Minister Pi Lalrinpuii chuan hmarchhak khawpuite inkalpawhna tha tak hmanga thlunzawm leh khualhip thei hmunhma tlawh tur neihte tihhmasawn a tulzia sawiin, Sawrkar laipui chu ruahhmanna fel tak ngaihtuah sak turin a ngen a, Mizorama community based tourism kalpui tum dan tlangpuite tarlangin, thing leh mau, ram leilung hausakna leh mawina bakah hnam ziarangte vawnghim chungin thalaite tana subsidy tha tak tak kengtel Entrepreneurship Development Policy leh Programme-te ruahman sak turin Sawrkar laipui hotute a ngen a ni.
Pi Lalrinpuii chuan he huna tel Khualliante leh Tourism Minister-te chu Mizorama rawn zin tur leh, Mizoram mawina leh khualzinte chunga kan thatnate, kan hnam nunzia leh tihdante rawn hmu ve tura sawmin, inda
idannate thiata North East-ah Tourism hmanga danglamna thlen tum theuh turin a sawm nghal bawk. He Conference hi Union Minister for Culture & Tourism Pu Gajendra Singh Sekhawat leh Union Minister of State for Tourism Pu Suresh Gopi te kaihhruainain Vivanta, Shillong, Meghalaya-ah hman a ni a, he hunah hian Mizoram aiawhin Tourism Minister Pi Lalrinpuii bakah sawrkar mi pawimawh te an tel a ni.
