Mizo te nuna bet tlat Zo Nun Ze mawi tlawmngaihna chu khawvel changkang zel ah a dal deuh ta ti a sawi a awm thin laiin, chhiat tawh nikhua in Mizo thalai te tlawmngaihna hmuh tur a la awm chhunzawm zel.
Aizawl khawpuia Ramthar Veng YMA te chuan an veng thenawm Electric Veng tên chhiat an tawh zawn avangin Tukin khan thlan laih pui in an thawk chhuak a, Electric Veng ah hian nikum December Ni 19 atanga kumthar ni 2 thleng khan mitthi 11 neiin, an mitthi te hi lu men ngai deuh vek an ni a. Tunhnaia boral te chu a zawna lu men ngai pathum an ni a, heihi hria in, Ramthar veng Branch YMA chuan thuchhuah siamin an veng thenawm Electric Branch YMA chu thlan laih pui nise tiin Ramthar Veng Branch YMA executive committee chuan a rel a, Hnatlang an koh hnu in tukin khan Electric Veng thlan lai pui turin Mizo Tlangval engemaw zat an thawk chhuak a ni.
Electric veng YMA leh Ramthar YMA thlan laia thawk chhuak hi an vaiin mi 130 bawr ni a chhinchhiah a ni.
