House Leader leh Chief Minister Pu Lalduhoma’n Bana Kaih Policy- Handholding-a thlai thar leina tur an dah hrim hrim chu Kalphung Thar a ni tih vawiina Assembly thutkhawmah a sawi.
Vawiin sessiona Private Members Resolution sawihonaah he thu hi sawiin Pu Lalduhoma chuan Pu Lalduhoma chuan 100 days program ami chu sawrkar hmasa ten an tihloh hlir a ni a ti a, thil awlsam nia sawi ni mahse tumahin an tih theihloh avanga hma la an ni a ti a. DPR thehluh chiama hmasawnna hnathawh tam tak aiin ram tana tha tur zawk an ngai pawimawh a ti bawk.
Chief Minister chuan Motor neih tur zat aia tam nei anga an sawi chungchang sawiin motor an kawl mek chuan spare a nei a ti a, pakhat leh a spare neih chu kalphung a ni a ti a, spare neilo in tumah an awm ngailo tih a sawi.
Pu Lalduhoma chuan MLA in Free Travel cheng nuai 2 thleng an neih chu a bak an zin anih chuan mahni pawisa hman mai tur a ti a, Budget-a ziah lan siloh Sawrkar laipui atangin Mizoram khaw 273 tan Cheng vbch 55 nuai 18 sanction ani tawh a ti a, hemi atana first instalment cheng vbch 27 nuai 69 pek anni tawh tih sawiin Lok Sabha inthlan an puan hma in second instalment hmuh leh theih nan Sawrkar laipuiin hmanhmawh turin an ti tih sawiin Finance Ministry in pung awm lo Loan Handholding-a beneficiary ten an puk tur an pe dawn a ti a, niminah USA atangin handholding ah pawisa a thlawna puih tumna an dawng a ti a, an dah bakah an hmuh belh mek zel tih a sawi.
Chief Minister chuan ramri chungchangah Assam Chief Minister Himanta Biswa Sarma nen an inhmuhna ah tumahin buaina siamlo turin an inti a ti a, tha takin an inthlah tih sawiin an session zawhah Minister rawn tirin inbiak an tum tih a sawi a ni.
