Tata Motors Passenger Vehicles (TMPV) leh Tata Passenger Electric Mobility (TPEM) te chuan India rama mipui mamawh pekchhuah kawnga hmahruaitu Bajaj Finance nen thawhdunna an neih thu an puang. He thawhhona hian dan ang thlapa lirthei khalhtute leh electric vehicle (EV) kharchhawngtute tana sum lama an hlawkna leh hlawhtlinna siam sak a tum a ni. Memorandum of Understanding (MoU) thuthlung hnuaiah hian TMPV leh TPEM te hian Bajaj Finance huang zau tak chu hmang tangkaiin an thawhpuite tan sum hmuh theihna tur kawng awlsam zawk siamin, a baa lak leh bungraw mamawh tihtlem a ni ang a, sumdawnna kalpui dan a ti chak ang.
Tata Passenger Electric Mobility Ltd. CFO leh Tata Motors Passenger Vehicles Ltd. Director, Mr. Dhiman Gupta chuan company hmasawnna tur ruahmannaah an thawhpuite chanvo pawimawh tak chu a sawi uar hle a, Bajaj Finance nena thawhhona an neih chu tha tak anih a beisei thu a sawi a, sumdawnna huanga an thanlenna tihpun theihna tur leh Tata Motors-a New Forever an duan chhuah chu a taka hman theihna tur a nih thu a sawi.
Bajaj Finance Ltd. Deputy Managing Director Mr. Anup Saha chuan company-in sum leh pai lama danglamna thar hmanga sumdawnna te tihchak a tum thu a sawi a. He thawhdunna hian India rama mipui phur thei lirthei mamawhna sang zel chu dawl chho thei turin mi rintlak an thawhpuite chu bungruaw mamawh a pe dawn tih a sawi.
