India rama lirthei lama sumdawng lian ber Tata Motors chuan nimin khan Guwahati-ah lirthei spare parts dah khawmna – warehouse thar a hawng tih a puang a, he hmun hi tunlai thiamna hmanga duan a ni a, square feet nuai khat zeta zau niin mipui mamawh lirthei phur chi zawng zawng spare parts kimchang takin a awm a ni. He hmalakna thara lirthei mamawh dah belh a nih avang hian company hian mipui mamawh chak zawkin a pe thei dawn a, hmarchhak biala Tata Authorized Service Station-ah spare pawh awlsam zawkin a awm thei dawn a ni. Khawvel huapa hmasawnna ruhrel lian leh him tawk tura tha thei ang bera thuam a nih avangin tunlai thiamna hmanga hmanraw pawimawh khawn khawm niin customer te tan awmlsamna nasa zawk a hawng dawn a ni. Tata Motors hian India ram pumpui huap tur mipui mamawh pe chhuak lian ber hi Delhivery nen thawhhona an nei a, tunlai thiamna hmanga enkawl leh bungraw pekchhuah kawngah an thawkdun a ni. He hmunah hian mamawh hrang hrang phuhruk thei mamawh kimchang a awm bawk a, bungraw chikim mamawh bakah hian lirthei taksa peng hrang hrang a lian ber chi leh a te enkawlna tur hmun ruat (designated area) pawh dahkhawm a ni a, hei hian awlsam taka hnathawh theihna turin a pui bawk.
Mr. Vikram Agarwal, Head – Spares and Non Vehicular Business, Tata Motors Commercial Vehicles chuan a hawnna ah sawiin, “Guwahati-a bungraw dah khawmna warehouse thar hawnna hi Tata Motors-in customer-te duhzawng leh chet awlsamna a ngaihsakzia tilangtu a ni a, hei hian mi zawng zawng tan awlsamna a siam dawn a, spare awlsam taka hmuh theih a nih theih nan leh lirthei neitu te tana ṭangkai tura duan a ni. Heng thil ṭangkai dahkhawmna Warehouse thar hian he biala Tata Authorized Service Station-a thil siam te chu a ṭha zawk a siam tir thei dawn a, hei hian a ṭhatna lamah ti hmasawnin lirthei ṭhatna a belhchhah dawn a ni. He thil thar hian hmarchhak biala kan customer-te min hnaih tir a, hei hian khawsak nunphung a ti awlsam zawk a ni.”
Tata Motors hian sub-1-tonne atanga 55-tonne bungraw phur lirthei leh mi 10 chuan lenna atanga 51 thleng chuan theihna bakah mi tam tak huapzo tur thilsiam hrang hrang a nei a, mi tin mamawh danglam zel tur ngaihtuah nan sumdawnna lirthei tenau leh pickup, truck, leh bus ang chi ah te a awm a ni. Company hian touchpoint 2500+ awmna ah hian a thlen hlat theih zawng zau tak hmangin a ṭhatna leh midang tana a inpekna a tichiang a, mithiam bik ten enkawl a ni a, Tata Genuine Parts awlsam taka hmuh theihna a awm bawk.
