India rama sum peipunna lar tak Tata AIA Life Insurance chuan hunbi thar leh sum peipunna dan thar ‘Sampoorna Raksha Promise’ a puang a, hei hian thil thar leh hlawkna a keng tel a, chu chu thihna thlen palin cheng nuai 3 thleng hmuh let theihna a ni. Sampoorna Raksha Promise hian a inziak lut te chu thla 12 chhungin a ngaidam theidawn a, hei hi anmahni dawrtuten harsatna an tawh palha in ngaihdamna leh hriatthiamna a neihzia lantirna a ni.
Natna inkaichhawn theihloh hrang hrang entirnan cancer a nih chuan inziak lut te chu sum hlut zawng atanga teha za zela 50% pek a ni a, nakin lawka a hlawma pek tur chu ngaihdam a nih lai pawhina hlawkna hrang hrang hi pawh a pung zel bawk. Sampoorna Raksha Promise tlangzarh chungchang sawiin Tata AIA President leh Chief Financial Officer Samit Upadhyay chuan, “Tata AIA-ah hian kan tana mi pawimawh min dawrtute mamawh danglam zelte ngaihtuah turin nasa takin kan bei a ni.
Kan hawn thar sum peipunna dan thar, Sampoorna Raksha Promise hian min dawrtute mamawh bik a phuhruk a, thil thar tak tak, hmuh let theih nghalna leh sum hlawkna tam zawk, damloh leh harsatna tawh palha hlawkna leh inpuihna hrang hrang bakah vanduaina tawh palha natna inkaichhawn theiloh ah te za zela 50% pekchuah te hian min dawrtute hma hun thui tak a pek phah a ni. He danglamna buatsaih thar hi kan tana mi pawimawh min dawrtute harsatna tawh sutkian nan leh hlim zawka nun hmang tura tanpui tumna a ni a, an hma hun zela tha zawka an inbuatsaih theih nan a ni.”
