Taiwan Ambassador leh Central YMA hruaitute inkawmin thil pawimawh hrang hrang an sawiho. Aizawla Chapchar Kut hmanga rawn kal Taiwan Palai, Baushan Ger-a leh Central YMA hruaitute hi Zirtawpni tlai khan Central YMA pisa-ah inkawmin, Taiwan thalaite leh Mizo thalaite intlawh tawn chungchang te, hnam zia inentir tura intlawh tawn chungchang te, lo neih, thiam thil inzirtir te leh hna thawk tura hmun hrang hranga insawn hreh loh a pawimawh dan te an sawiho bakah Mizo thalaite hmasawnna tura Taiwan sorkarin a tih theih tur te pawh sawi lan a ni.
Central YMA hi an President Pu Lalhmachhuana’n hoin YMA kalphung leh hnathawh dan te Taiwan Ambassador hi an hrilhfiah a. Mizo thalaite leh Taiwan thalaite intlawhtawn dan awm thei se an duh thu an sawi a, ngaihhruina thilpek an hlan bawk.
Taiwan Ambassador hi a nupui Pi Hui-Chen Chen leh Assistant Representative, Ping-Fan Jian ten an tawiawm a. Inkawmhonaah hian OSD to CM Pu Jonathan Lalremruata a tel bawk.
