Faina chungchang inhrilhhriatna leh faina kawnga tam thei ang ber thawk chhuak tura hmalakna Swachhata Hi Seva 2024 chu vawiin khan ramchhung hmun dangte rualin Mizoramah kalpui tan a ni. Swachhata Hi Seva 2024 hi September ni 14 atanga October ni 1 inkarah kalpui a ni dawn a, Aizawl ah chuan Home Minister Pu K. Sapdanga ho in faina kawnga thawkchhuah tura thutiam sawirualna Swachhata Pledge MYC Auditorium ah neih a ni a, hetah hian New Capital-a thawktu hrang hrang leh sawrkar mi pawimawh te an tel a ni.
Home Minister Pu K. Sapdanga chuan faina a pawimawh zia sawiin mi tinte faina lam kawnga hma lak theuh a pawimawh thu a sawi a. Faina chu beihpui thlak hun chhung chauha kalpui mai lo in, beihpui thlak thin chu a kamkeu-na leh khuh hawnna chauhah ngaiin, engtik lai pawha fai reng tur a ni a ti a, fai reng theih nan mimal, pawl leh department te tun aia nasa lehzuala tan la turin a sawm a ni.
Kumin Swachhta Hi Seva thupui atan Swabhav Swachhata-Sanskaar Swacchta tih chu thupui a hman a ni a, Swachhata Hi Seva hi sorkar laipui hmalakna hnuaiah, Swachh Bharat Mission kum 10 tlin pualin September ni 17 atanga October ni 2, Gandhi pianchampha thleng kalpui tur a ni a, hemi hun chhung hian Faina leh Thianghlimna beihpui thlak tur niin, Mizoramah pawh District khawpui bakah notified town leh thingtlang khua zawng zawngah Faina Beihpui thlak a ni dawn a, vawiina hawnna hun neih zawh hian Minister hoin Faina Hnatlang neih zui a ni bawk a ni.
