Vawiin khan Agriculture & Farmers’ Welfare Department leh NEDFi, Guwahati bultumin State Agriculture Plan leh Comprehensive District Agriculture Plan siam dan tur chungchang sawihona “Inception Presentation Meeting for the study- Development of Comprehensive District Agriculture Plan and State Agriculture Plan for Mizoram” chu Directorate of Agriculture & Farmers Welfare Conference Hall-ah neih a ni.
He programme ah hian Agriculture & Farmers Welfare atang te, Horticulture Department, AH&Veterinary Department, Land resources, Soil & Water conservation Department atangin officer engemawzat kalkhawmin an ni bakah hian College of Veterinary & Animal Science, Selesih atang leh Mizoram University atangin Experts te pawh an tel bawk. He programme hmang tur hian General Manager leh Deputy General Manager, NEDFI, Guwahati te pawh an lo kal bawk a ni.
Mizoram Agriculture in a hmasawnna mumal tak a neih theihna tur hian Vision mumal tak nei a hmalak a pawimawh a, heng vision te tihlawhtling tur hian State Agriculture Plan (SAP) leh Comprehensive District Agriculture Plan (CDAP) tha tak neih a pawimawh a ni. SAP leh CDAP siamna tur senso te hi NEDFI hnuaia Techno Economic Development Fund (TEDF) atanga support a ni dawn a, he hna kalpui tur hian Sesta Development Services, Guwahati chu thlan fel tawh a ni bawk. An ni hian kumin chhungin District Agriculture Plan mumal tak siam tura beisei anni.
