State Transport Authority chuan man chawia mipui phur lirthei chuan man a siam thar angin vawiin atang khan Aizawl City Bus ten man bithliah thar zawmin an tlan tan. State Transport Authority rate thar Aizawl City Bus tana a bithliah hi stand khatah cheng 8 a ni a, stand hnih ah cheng 10 niin stand 3 ah 12 a ni a, stand 4 ah 15 niin stand 5 leh stand 6 ah 18 ani a, stand 10 thleng an kal chuan cheng 20 a ni.
City Bus bakah hian STA chuan tunhnai khan thuchhuah siamin, kumin February thla ni 19-a STA thukhawmin a rel angin, man chawi a mipui phur lirthei service, taxi, Autorickshaw leh Maxicab te chuan man a bithliah thar a, 2-Wheeler taxi chu kilometre 1 ah cheng 30 niin, kilometre khat hnuah erawh KM tinah cheng 20 zel a ni ang a, Taxi pangai ah KM 1 ah cheng 55 niin, hemi hnuah KM tinah cheng 45 zel a ni ang a, Autorickshaw chuan man chu Km khar ah cheng 35 niin, a hnu KM tinah cheng 25 zel a ni ang a, Maxicab chu metal road a a tlanin, KM 1 ah cheng 3.50 leh metal road lo ah cheng 4 a ni dawn a ni.
