Speaker Pu Lalbiakzama, Mizoram Legislative Assembly chuan ASM (ASMCON) kum tin Inkhawmpui vawi 5-na leh India Association of Paediatrics Surgeon (NEIAPSCON) inkhawmpui vawi 19-na, vawiin leh naktuk thlenga neih tur chu Aijal Club ah Khuallian niin a hmanpui.
Speaker chuan Paediatrics Surgeon-te hnathawh pawimawh zia te sawiin an hna pawimawh tak chu inpekna zawng zawng nena thawk turin a fuih a. Damlo te enkawl damna atan an thiamna te intathriam reng tur te, mihring anga midangte kan hriatthiamna leh lainatna nena damlo te enkawl a, damna thlen tu nih tum zel turin a chah bawk.
Speaker chuan Doctor te chu an dam chhunga midang tana rawn tlak, natna enkawl damna kawngah pawh thil thar, enkawlna tha zawk hmuchhuak tu nih tuma inzir reng turin a chah a. Natna enkawl damna kawngah thawktu nih duhtawk mai lovin natna laka kan lo invenna lamah pawh mipui zirtirna uar turin Doctor te chu a chah bawk a ni.
