Samsung India chuan IIT Guwahati Technology Incubation Center (IITG TIC)- ah road-show a buatsaih a, Guwahati-a Royal Global University-ah pawh zirlai 100 chuang zetin tunlai khawvela harsatna hrang hrangte chinfel nan Solve for Tomorrow- a tel an tum thu an lantir a ni.
‘Solve for Tomorrow’ programme-ah hian track pahnih – School Track leh Youth Track – thupui bik nei ve vea ruahman a ni a, Kum 14-17 inkarte tana buatsaih School Track hian khawtlang leh mipui zawng zawng huapzo a ngaih pawimawh a, hriselna lama hmasawnna leh khawtlang nun inpumkhatna tihchangtlun a tum a ni.
School Track atanga “Community Champion” chuan India pawisa cheng nuai 25 a dawng ang. Karamveer Chakra dawngtu leh khawvela rocket scientist naupang ber, he huna zirlai te fuih tura sawm Dr. Jatin Wahane chuan van chanchin zirna astrophysics lama hmasawnna siamchhuah kawnga a thil tawn a sawi a, Khawvela harsatna sutkian nan ngaihtuahna thar leh rilru thar pu turin a fuih bawk.
