World Social Work Day chu vawiin khan Aijal Club ah hman a ni a. Minister of State Pu Lalchhanzova chuan he hun hi a hmanpui a, Thusawiin Pu B. Lalchhanzova chua Social work zirna hawn anih hma chuan tuman social work lampum pawh an hrelo a, tunhnai a social work hna chak taka thawh anih na chhan bulpui ber chu social work zirlai te leh zirtirtute tuh rah a ni a ti. Pu B. Lalchhanzova chuan amah ngei pawh Master of Social work zir chhuak a nih ang in, social work hna pawimawh zia a hriat chian thu a sawi a, social worker ni tur chuan drug addiction chungchang te, kum lama upa enkawl lam te thlengin hriat a ngai a ti a, social work chawi nun kawng ah a theih ang tawk a hma a lak tur thu he hun ah hian a sawi.
Vawiin a World Social Work Day hmannaah hian Mizoram University Dchool of Social Work Dean Prof. Kalpana Sarathy chuan khawtlang ziarang leh nunphung te hmang tangkaia, thawhonna tha tak neih a pawimawh zia leh, chu thawhhona chuan ram hmasawnna ah a tha lam zawngin rah a chhuah thei a ti a ni.
Mizoram Professional Social Work’s Association (MPSWA), Department of Social Work, Mizoram University leh ICFAI te bakah Divine Mercy College ten Minister of State Pu B. Lalchhanzova MPSWA member mi ngei MLA-a thlan tlin a nih lawmpuina an hlan a ni.
