Social Welfare Department changtu Minister Pi Lalrinpuii chuan Sawrkarin tun dinhmunah ruang phurh inkaihhruaina dan a duang mek a ti a, ngaihtuahna tam tak sen ngai thil anih avangin Cabinet meeting Agenda atan chhawpchhuah tum ani a ti. He thu hi vawiina Assembly thutkhawma Opposition Leader Pu Lalchhandama Ralte zawhna a chhanna ah sawiin Minister chuan ruang phurhna tura hmalak dan tur leh inkaihhruai dan tur chu sawrkarin a buaipui mek a ti a, Department chuan Budget proposal ah Revised Estimate 2023-24 ah cheng vaibelchhe 1 leh Budget Estimate kum 2024-25 inkarah cheng vaibelchhe 5 dilna a thehlut mek tih a sawi bawk.
Minister chuan ruang phurh nana motor hman man chu Kilometre zat zela chhut tur ani a ti a, tun dinhmunah District Hospital a thi te chauh chu phurh tura ruahman a ni a ti a, phai lam erawh an la huam rihlo tih a sawi.
Minister chuan Social Welfare ah Old Age Pension Scheme tih punna a awm a ti a, cheng sang khat in tihpun ani tih sawiin Budget ah pawh dah nghal ani tih a sawi bawk.
