Vawiin khan Social Welfare Department leh Spastic Society of Mizoram (SSM) tangkawp chuan Dawrpui Multipurpose Centre ah, fate zinga rilru leh pianphunga harsatna nei nu leh pate tana inzirtirna hun ‘Sensitization Workshop for Parents of Children with Special Needs’ an buatsaih a. Pi Lalzarmawii, Commissioner & Secretary, Social Welfare Women & Child Development Department chuan he hun hi khuallian niin a hawng.He hunah hian khuallian Pi lalzarmawii, Commissioner&Secretary, SW, W&CD Department chuan thusawiin, Sensitisation programme huaihawt chu pawimawh hle a a hriat thu a sawi a. Fate zinga rilru leh pianphunga harsatna nei nu leh pate dinhmun chu eng emaw chang chuan harsa tak a nih tur thu sawiin, beidawng mai lo leh kawng awm ang angte dap zel thei tura inhrilhhriatna neih chu tihmakmawh a nih thu a tar lang a.
Nu leh pate chu an rawngbawlna an ko a tla hlen kawngah theihtawp chhuah zel tura fuihin, fanau ro chan malsawmna an dawnte chhiar thiam a, an fate enkawldan tur inzirtirna hun chu hlawkpui ngei tum tlat turin duhsakna a hlan nghal bawk a ni.Vawiina Sensitization Workshop ah hian Mizorama Special School leh Centre hrang hrang atangin Rualbanlo fa nei nu leh pa kalkhawm ten nitin khawsak na kawnga buaina leh harsatna hrang hrang an hmachhawn thinte, an fate harsatna avanga zirna in leh khawtlang nun bakah, chhungkua leh kohhrana harsatna an tawh thinte sawi hovin, mithiamte nen hmalakho dan tur leh an fate enkawl zeldan tur zirhona hun an nei a ni.
Hawnna hun hi Pi Chhingpuii, Chairperson Spastic Society of Mizoram in kaihruai in, Pi Neihtluangi, Vice Chairperson Spastic Society Of Mizoram chuan Sensitization Workshop an buatsaih dan leh a pawimawhna te a sawizau a. Pi Zokhumi Vankung chuan lawmthu sawiin hawnna hun hi a titawp a ni.
