Home Minister Pu K Sapdanga’n sawrkar tharah Home Department-in silai licence pek chhuah ala neilo tih a sawi. He thu hi vawiina Assembly zawhna leh chhanna huna ZPM member Pi Baryl Vanneihsangi, Aizawl South III bialtu zawhna a chhanna ah sawiin Home Minister chuan sorkar thar din hnuah silai licence pek chhuah loh chhan chu mawhphurtu an nih chu thla thum vel chauh a la ni a, silai chu ralthuam, uluk taka licence pek ngai a nih avangin mi hriatchian mang loh te hnena licence pek a la hun lo deuh a, nghah khawl deuh a nih thu a sawi.
Home Minister chuan, sawrkar hmasa lamin silai licence chu phalrai deuh a ni a, chhinchhiah danin kum kalta khan 1,296 pek chhuah a ni a, a kum hmasa lehah 1,053 peh chhuah a ni ni a ti a, Sorkar hriat danin, silai lei mang loa licence zawrh kual a awm tih sawiin licence pek belh zung zung a fel rih lo tiin chinfel phawt a ngai a, sumdawnna ang hiala hman chu tha an tih loh avangin Silai licence awm mek ho thlithlai fel phawt ni se an tih thu a sawi a, mumal taka kalpui ani dawn tih a sawi.
Pu Sapdanga chuan mi thenkhat mamawh tak tak, inven nan, lo neitu an huan thlai ven nana silai mamawh te dan ngawt an tum lo tih sawiin mamawh dana zirin pek zel tum a nih thu a sawi bawk.
