Krishi Vivyan Kendra, Siaha District buatsaihin vawiin kha Pu N. Lalsiama Strawberry hmun Noaotlah – III (KM 10) ah Strawberry Festival cum Awareness programme on Bhumi Suposhan and Samrakshan Jan Abhiyan hman a ni.
Vawiina hun hman hi Dr H. Vanlalhmuliana, Senior Scientist & Head, KVK Siaha District chuan a kaihhruai a, Noatlah Bialtu MDC Pu N. Lalrosanga chuan khuallian niin a hmanpui.
Thu sawiin khuallian chuan, KVK Siaha District-a thawktute leh kut hnathawktute thawhrimna leh ṭanrualna zarah Strawberry kut hman a ni chu lawmawm a tih thu sawiin, Mizoramah Strawberry chanchin sawi anih chuan Noatlah khúa sawi lan ngei ngei a ngai tawh a; a chhan chu a thar tam bêr an nih vang a ni, khawtlâng mai bakah Siaha District tihmingṭhatu pawh a ni, a ti. Mahni duhdan anga thei leh thlaite chin leh enkawl aichuan mithiamte thurawn anga hma lâk anihin tharchhuah a tam a hahman a awm nge nge ṭhin a ni tiin kut hnathawktute chu mi thiamte räwn hreh lo tur leh an thurawn zawm kawngah thuawih taka awm tûrin a chah.
Pi C. Rachel, Subject Matter Specialist (Plant Protection) chuan strawberry chin leh enkawl dan a sawi a, Pu Isaac Lallawmkima, Subject Matter Specialist (Agronomy) chuan Bhumi Suposhan leh Samrakshan Jan Abhigan chungchangah zirtirna a pe bawk.
Vawiin Kûtah hian Mizoram sawrkara line department official, MADC official bakah khawtlâng hruaitute leh kut hnathawktute an tel a, Pu C. Vanlalawmpuia, Farm Manager, KVK Siaha in lawmthu sawina a nei a, hun hman tih tawp a ni.
