Tobacco free youth campaign 2.0 hawnna inkhawm Pu PL Malsawma CMO kaihhruaiah hian khuallian, Pu Paul L.Khuma’n hawnna thu a sawi a. Bawrhsap chuan, Kan taksa hi vaihlo ur tura duan a ni lova, hip luh chuan a hlauhawm a. Car petrol hmangah tui leh diesel thun chuan a chhia ang chutiang chu a ni. Pa taka nei zuk hlarh² hian nunna a pawt sei lova, a pawt tawi zawk. India hi zuk leh hmuam la lut a sang ber dawttu ram kan ni a. Kum khatah India ramah mi nuai 13, mizoram mipui aia tam vaihlo in a suat ngaihtuah ngun a ngai.
Ni 60 chhung he campaign hian a awh dawn a. Hemi chhung hian COTPA rules kenkawh beisei a ni a. Mei zu awm lohna khua, Free tobacco village te hi awm thei se. Mei khu ah hian taksa tana ṭha lo 5000 chuang a awm a. Chuta mi nicotine chuan thisen a chawh pawlh a, nuam tihna a awm a, nuam tihna khan ngawl veinaah a hruai lut ta ṭhin a. Chuvangin a ti tawh ten nghei a ṭha, la ti lo phei chuan tih loh zui zel a ṭha ber a. Nghei duh tan puitu councelling centre a awm tih pawh hriat a ṭha a ti bawk.
Lalrempuia Tobaacco control in vaihlo in pawi a khawih dan sawiin, kum khat a vaihlo vanga thi maktaduaih 8 zinga 1.35 chu india a mi a ni a ti a. India ramah Tripura cancer tamna ber a ni a, 2na chu Mizoram kan ni a, cancer tam chhan ber chu zuk leh hmuam vang a ni a. Zirna in hi zuk leh hmuama fihlimna hmun a ni tur a ni a ti a. Zuk leh hmuam khuahkhirhna dan chi hrang hrang leh he campaign a hmalakna tur hma chhawp te a sawi bawk.
Serchhipa Tobacco free youth campaign 2.0 hawnnaah hian, Maria VL Neihhlui councillor NTCP kaihhruaiin vaihlo a fihlim turin thu tiam lak a ni bawk. He hunah hian Police te, Govt PCR High school zirlaite, Tlawmngai pawl MUP, MHIP leh YMA te bakah MJA aiawh te an tel bawk.
