Serchhip District Legal Services Authority chuan vawiin khan District Court, Serchhip-ah National Lok Adalat a buatsaih a, Rs. 13,03,041/- hu thubuai chin fel a ni. Lok Adalat hi mipuite tan awlsam leh rang zawk, sum leh pai sen ngai lova thubuai ngaihtuahna leh inremna neihpui thinna a ni.
Vawiina National Lok Adalat sitting hi Pi Josangzeli Tlau, MJS-in kaihruaiin Conciliators Pu RL. Chhuanawma, Social Worker leh Lalrinhlua, Adv. ten an tawiawm bawk a ni.He sitting-ah hian Serchhip District chhung atanga thubuai chi hrang hrang 56 lut zing atangin thubuai 19 chin fel a ni a, thubuai chin fel hlut zawng hi Rs. 13,03,041/- a ni.
Serchhip District Legal Services Authority hian a khat tawkin Lok Adalat a huaihawt thin a, a tul dan azirin Serchhip District chhunga khaw thlan bikah Mobile Lok Adalat pawh a buatsaih thin bawk a ni.
