Vawiin khan Serchhip District AIDS Prevention & Control Committee Meeting chu DC Pu Paul L Khuma hovin DC Meeting Hall-ah neih a ni
Mission AIDS Suraksha chungchang vawiiin meeting ah hian sawiho a ni a. District Sahyogi Pi K. Lalbiaksangi chuan HIV/AIDS dona kawnga Serchhip District hmalaknate a sawi a. Mission AIDS Suraksha chungchang sawifiahna ngaihthlak a ni.
Mission AIDS Suraksha GOAL 95:95:99 achieve theih nana hmalak dan turte sawiho a ni a. 95:95:99 awmzia chu people living with HIV (PLHIV) 95% talin an nihna an inhriat theihna tura zauzawka test neih te; HIV hrik pai 95% ten Antiretroviral Therapy (ART) tha taka an lak te; ART la tu 99% ten an thatpui a, midang kai chhawng thei lo khawpa viral load hniam neih tir te chu a tum a ni.
He meeting ah hian Serchhip NACP Staff-te bakah Serchhip SP Pu Gavit Gogna te, Serchhip District Medical Superintendent, YMA Sub Headquaters aiawh, DPO WCD, Serchhip DEO, Asst. Commissioner Serchhip Excise & Narcotics, Dist. VC Association aiawh bakah Dist. Jail aiawhte an tel a ni.
