Ministry of Road Transport & Highways, Government of India hnuaia National Highways and Infrastructure Development Corporation (NHIDCL) ten National Highway 54 kawng Double Lane a laihzau hna an thawh kal mekah National Highway 54 in Serchhip khawpui a helna tura Serchhip Darnam kawr kanna lei chu KRAM Infracon Pvt Ltd. ten dawh hna thawk mekin, hna a kal tluan theih chuan kumin March thla chhung hian zawhfel hman an inbeisei tih he hna enkawltu Atul Kumar Singh, General Manager, Kram Infracon Pvt Ltd chuan a sawi a ni.
Hnathawktute chuan Lei dawh hna an thawh mek chu Mizoram-a Lei sei ber leh sang ber zinga tel tura ngaih a nih thu an sawi a, Lei hi metre 160 a thui, Metre 10-a zau, a sir tawn tawn ah Metre 1 leh a chanve a zau mihring kalna awm tura duan a nih thu an sawi.
Lei hi cheng vbc 15 atanga 20 vel senga a siam tur niin, tun dinhmunah Lei dawh hna hi thawktu mi 60 chuang ten chhun zan zawmin ngawrh takin an thawk mek a ni.
