Mizoram State Election Commission chuan Chief Minister Pu Lalduhoma chu Model Code of Conduct bawhchhia a puh a nih vangin insawifiah turin a hriattir.
MNF Gen Hqrs Secretary Pu J Rosangpuia chuan February ni 6 khan SEC Mizoram hnenah hian Chief Minister Pu Lalduhoma hi MCC bawhchhia puhin lehkha a thehlut a, Pu Lalduhoma chuan MCC hnuaia thu inziak, ‘Policy thar’ leh ‘Ruahmanna thar lam hawi reng reng puan chhuah rih loh tur’ tih chu a bawhchhe ngeia a lan thu ziakin, ZPM Tuirial West Block hruaitute nena CM pisaa thla an lakho vawrh darh chungchang pawh MCC bawhchhiahtna ngei nia a hriat thu a tarlang bawk a ni. Heng avang hian SEC chuan Chief Minister hi insawifiah turin an hriattir ta a ni.
SEC thuneitute tarlan danin Chief Minister Pu Lalduhoma hian insawifiahna vawiin khan State Election Commission ah a thehlut a, SEC hotute chuan karleh thawhtan lamah a insawifiahna hi ngaihtuah a nih dawn thu an sawi a ni.
