Chief Minister Pu Lalduhoma’n Mizo thalai hna zawng mek ten an rin ngam tur MPSC chhawpchhuah an duh avangin MSSSB chu thiah ani a ti a, MPSC thuam chak tum a ni tih a sawi. He thu hi vawiina Private Member Resolution Pu Lalrintluanga Sailo in a put luh Mizo thalai hna zawng meng te tan MSSSB thiah tumna chu ennawn leh ni rawh se tih chungchanga sawihonaa a sawi niin Chief Minister chuan MSSSB chu sawrkar hmasa in a din dawnah fello tam tak a awm tih sawiin politics a induhsakna nasa tak a awm thin a ti a, MSSSB thiat mahse thalai hna zawng mek te tan beidawnna tur a awmlo tih sawiin MPSC an thuam chak sauh dawn a ti a, sawrkar sum senso ti tlem tu zawk ani tih sawiin a hnathawk hrang hrang leh an bungrua te pawh a thawn dawn a ti a, MPSC ah hnathawktu Post 11 lak phal sak an ni a, a tul dan angin tha taka a function theih nan sawrkarin a enkawl dawn tih a sawi.
Pu Lalduhoma chuan MPSC hotute nen an inkawmna ah harsatna lian tham an neilo a ti a, Hall an mamawh belh erawh sum dinhmun a zirin ngaihtuah a ngai tih sawiin MPSC leh MSSSB neih kawp chu a buaithlak chang a awm thin a ti a, hna exam inrual a awm thin avangin harsatnna a awm thin tih a sawi. House Leader chuan MSSSB hnalak tura Application lo thehlut tawh leh Fee lo pe zawng zawng te pawh MPSC hnuaiah an exam leh thei vek dawn a ti a, MSSSB in alo dawn khawm kha MPSC in la chhawngin a hunah a la mai dawn tih sawiin MPSC chuan recruitment calendar fel tak a nei tih a sawi.
Sawihona hrang hrang lak niin member 24 in an sawi a, hemi hnu hian Mizoram Subordinate Service Selection Board (MSSSB), Mizo Thalai hnazawng mekte tana rintlak leh tangkai tak thiah chu sawrkar in ennawn rawh se tih Private Resolution Pu Lalrintluanga Sailo in a put luh chu House in a hnawl a ni.
