Vawiin khan National Highway(NH) 54 kawngpui sial hna thawhin an chenna In a tihchhiat dawn avanga zangnadawmna pek tawh, an chenna in thiahna tur thupek “Eviction Notice” pawh pek tawh, an chenna In la thiat duh lo leh insenghawi duh lo Zobawk South-a Mi 4 te chenna In chu Deputy Commissioner, Lunglei District aiawh Pu K.Lalhlimpuia, Assistant Sattlement Officer leh Executive Magistrate nibawk hova ṭhiah sak leh an ni.
NH54 kawngpui sial mekin an chenna in a tihchhiat dawn avanga zangnadawmna an lo pek tawh, mahse In la thiat loh leh insaseng duh loh te hi vawi tam, thuneitu ten an in te thiata, insaseng turin a lo hriattir tawh a. Mahse thupek zawm duh loh an la awm cheu avangin tahrik ni 5/3/2024 atang khan Sawrkar chuan chuan hma a la tan ta a ni.
Tahrik ni 5 khan Tawipui ‘S’ khuaa Pu S. Lalnghinga in thiat hmasa berin, tharik ni 7/3/2024 khan Țhualƫhu khuaa Pi Hmangaihthangi,Pu T.Thanliana, Pu Lalruata leh Pi Rinawmi te in pawh lo thiah tawh a ni. Naktukah khian mi 2: Pu Lalramnghaka, Zobawk North leh Pi K.Lalengliani, Dawn khuaa mi te in thiah leh a ni ang.
