Home Minister Pu K. Sapdanga’n Sawrkar laipui atangin raltlan tanpuina tur cheng vbch 8 dawn ani tawh a ti. He thu hi Assembly Session-a East Tuipui bialtu MLA Pu Ramthanmawia zawhna ziaka a chhanna ah sawiin Home Minister chuan raltlan tanpuina chu tun sawrkar kal mekah cheng vbch 5 dawn ani tawh a ti a, sawrkar hmasa ah raltlan tanpuina cheng vbch 3 dawn ani a ti bawk.
Pu K. Sapdanga chuan sawrkar hmasaa raltlan tanpuina pawisa dawn chu refugee camp siamna atana mamawh hrang hrang hrangah leh ei leh in mamawh ah te hman thin a ni a ti a, District hrang hrangah an mamawh ang zela pekchhuah thin ani tih sawiin pawisa dawn hmaa Refugee enkawlna atana lo sen lawk tawh te rulh nana hman thin ani tih a sawi.
Home Minister chuan tun sawrkar thara cheng vbch 5 an dawn chu hman ala nilo tih sawiin raltlan te mamawh atana hman tangkai tur ani tih a sawi bawk.
