Tun sorkarah zirtirtu 1,507 lak thar a ni a, an zinga mi 526 chuan an hna an zawm lo niin School Education department hotute’n an sawi. Zirtirtu hi sorkar sikul atan 1,188 lak thar a ni a, Samagra School-ah 319 lak thar a ni bawk a.
Zirtirtu lakte hi Primary school zirtirtu 461, Middle School zirtirtu 348, High School zirtirtu 457 leh Higher secondary school zirtirtu 241 te an ni. Hna zawm ta lote aiawhtu tur hian Middle School leh High School-ah panel list atanga hnawh khah zel a ni a. Primary School hian Panel an neih loh avangin zirtirtu 234 lak that tum mek a ni, an ti a.
Hetih lai hian kum 2024 chhung khan zirtirtu pension 20 leh thi 158 an awm a ni. Mizoram chhunga High School awm zawng zawngah Zirtirtu 4,134 leh naupang 37,815 an awm a ni.
