Chief Minister Pu Lalduhoma’n PMJVK kaltlanga tun sorkara sum la dawn loh chhan chu sorkar hmasa huna hna inpek thawh zawh loh tam lutuk vang a ni tih vawiin Assembly thutkhawmah a sawi. He thu hi vawiina Assembly thutkhawmah sawiin House Leader Pu Lalduhoma chuan PMJVK chu minority te tana ruahman ani a ti a, a tirah hmun thenkhat hman theiloh mahse tunah chuan state puma hman theih tura ruahman ani tawh tih sawiin a guidelines ang chuan zaa 80% chu zirna leh hriselna atana hman tur tih niin sawrkar hmasa ah za a za sports ah a kal a ti a, District Committee kaltlang loa hnathawh a tam hle tih sawiin diklo taka hna inpek tam tak a awm a ti a, Hetihlai hian Pu Robert Romawia Royte chuan state sorkar in sum a hmuh sa a release loh vang niin a sawi thung.
District Council & Minority Affairs Minister, Pu C Lalsawivunga chuan zawhna a chhanna ah Sorkar hmasa in PMJVK hnuaia project engemawzat a buatsaih sa te chu sorkar tharin umzuiin, sorkar laipui ah thehluh thlak vek a ni tawh tih a sawi a. Project Proposal 64 sorkar laipui ah an thehlut tawh tiin tun Sorkarah PMJVK sanction thar hmuh a la nih loh thu leh PMJVK scheme atanga Vanapa Hall sakna tur cheng nuai 3700 a ruahman chu sorkar laipuiin a la ti fel lo tih a sawi a.
PMJVK kaltlanga hmalakna te chu ram tan hmasawnna ruhrel pawimawh dinna a nih avangin state sorkar chuan zaa 10 a tum ve tur chu pek chhoh zel a tum tih a sawi bawk.
