Ningani khan Kolasib District chhung Phaisen Police Outpost a duty te chuan TATA 407 Mini Truck, AS-11CC/9822 atangin India siam Sap Zu (IMFL) Case 8 leh Beer Case 3 an man a, Vairengte Police Station ah thubuai ziah luh niin, Zu phurtu Truck driver hi vawiin tlai khan Kolasib District Court ah hruai a ni.
Phaisen Police Outpost a duty te Zu man hi- Royal Stag Case 6; Signature Case 2 leh Kingfisher Beer Case 3 niin, Zu phurh nan a an hman 407 Truck driver hi Subol Nath (25) s/o Sankar Nath, Tarapur Part – I, Silchar, Cachar District, Assam niin, Court thupek angin Driver hi District Jail-ah dah luh nghal ani a, Zu leh Beer hi Court Malkhana ah dah luh ani bawk.
Thudawn danin, he Truck hian Silchar atangin Aizawla dah tur plastic bungrua thahnem tak a phur a, bungraw karah Zu hi man in, Zu hi Aizawl Veng pakhat a dah tura a phurh ni a hriat ani.
