Samsung India chuan company-in ram pum huapa zirna leh thil thar siamna inelna lian ber ‘Solve for Tomorrow 2024’ vawi 3-na atan a buatsaih am hetah hian team chak berah Eco Tech Innovator leh METAL te a puang. Golaghat, Assam atanga Eco Tech Innovator chu School Track-ah Community Champion-ah puan a nih laiin, Udupi, Karnataka atanga METAL chu Youth Track-ah Environment Champion-ah puan a ni a, hei hian India khawpui lian ten hmun danga an thlen theih dan a tilang chiang hle a ni. Eco Tech Innovator hian tui in tur bawlhhlawh lo (non-contaminated potable drinking water) dik taka hmuh theihna tur ngaihtuahna a siam a, hnathawh tihhmasawn nan India pawisa cheng nuai 25 tanpuina a dawng a ni. Leihnuai tui atanga lei tha tui ti thianghlimtu lakchhuahna tur khawl siamtu METAL chuan IIT-Delhi-a incubation atan India pawisa cheng nuai 50 tanpuina a dawng a ni. Heng team te hi JB Park, President leh CEO, Samsung Southwest Asia leh Shombi Sharp, United Nations Resident Coordinator in India te chuan lawmman leh thuziak an hlan a ni.
Hei bakah hian ‘Community Champion’ school hian Samsung thil siamte a dawng dawn a, heng zingah hian Smart Display Flip 75”, Freestyle Projector leh 10 Galaxy Tab S10+ te pawh a tel a, hei hian zirna lama puiin an harsatna hrang hrang a sutkian sak dawn a ni. Chutiang bawkin ‘Environment Champion’ college hian khawtlanga an kutkawih eizawnna tihhmasawn nan Smart Display Flip 75”, Freestyle Projector leh Galaxy Book 4 Pro laptop 10 a dawng dawn a ni. Team 10 ten India pawisa cheng nuai khat theuh an dawn laiin member zawng zawngin certificate an dawng vek thung. Hei bakah hian School Track-a telte hian Galaxy Watch Ultra an dawng a, Youth Track-a telte chuan Galaxy Z Flip6 an dawng bawk. Flagship CSR programme, Samsung Solve for Tomorrow hian ram chhunga thalaite chu nun hmasawn zawk nei thei tur leh ngaihtuahna thar hmanga mipui nun thlak danglam thei tura chakna pek a tum a ni.
“Samsung-ah hian kumina buatsaih ‘Solve for Tomorrow’-a tel zawng zawngte’n thil thar leh thil siam chhuah thiamna an lantir hi kan chhuang tak zet a ni. Kan kalphung CSR hmalakna hmang hian thalai rilru te chu an khawtlang leh boruak lama harsatna lian ber ber thenkhat hmachhawn tura an mamawh hmanrua, inhrilhfiah leh hun remchang te pek a, chakna pek kan tum a ni. Eco Tech Innovator leh METAL-te hlawhtlinna hian tunlai thiamna leh thil siamchhuah hmanga nghawng awmze nei tak siam thei tura thang tharte theihna a tarlang a ni. Heng thil thar siamtu thalai te ngaihtuahna hi a nung a, danglamna tha tak a thlen theih kan beisei a ni,” tiin JB Park, President leh CEO, Samsung Southwest Asia chuan a sawi.
