Vawiin chawhnu khan BSNL, North East Circle hotute chuan Saitual Bawrhsap Dr. Lalngur Tlau chu a Office Chamber-ah hmuin Internet connection chungchanga Saituala hmalak an tum dante an sawipui. Bawrhsap Dr Langura Tlau chuan BSNL hotute chu lawm taka lo dawngsawngin hmasawnna hnathawhna atan internet chak leh changtlung, service tha an mamawh thute a thlen a, hmasawnna hmel thar an hmuh ngei a beisei thu a sawi bawk.
BSNL hotute hian OFC (Optical Fibre Cable) hmangin Saitualah September ni 15 ral hmaa Internet connection tih hman an inbeisei thute,”freedom plan” tih thupui hmangin August ni 31 thleng Sim Card pakhat(1) @Rs 1/- a lei theih a nih tur thu leh chu thla khat chhung chuan a thlawn liau liau (free and unlimited)a service- te pek an nih tur thu Saitual Bawrhsap chu an hrilh bawk.
Vawiin thutkhawmah hian BSNL lam atangin Pu D Gir, Chief General Manager, NE-I, Shillong, Mr T Mag, Principal General Manager, NE-I, Shillong, Pu C. Lalhmachhuana, Principal General Manager, NE-I Circle, Shillong te an tel a ni.
