Vawiin khan tun hnaia Saitual District huam chhung a thli leh rial in in leh lo leh bungrua a tihchhiat te chu Saitual DC, Dr Lalngura Tlau hmalakna in a hmunah va enfiah a ni a, DM&R atanga tanpuina pek chhuah theih dan tur te ngaihtuah pui nghal an ni. Tun hnai ni hnih thum kalta a Mizoram khaw tamtak a thli leh rialin chenna in leh bungrua tamtak a tihchhiat kha Saitual District pawh in nasa takin a tuar a. Vawiin a endik tura khua tlawh te hi Maite, Mualpheng , Tawizo leh a chhehvel khaw dang te an ni.
Thli leh ruah in a in leh lo a tihchhiat te hi luah theih tawh loh khawpa chhia chu an awm lo niin hriat a ni a , a tlangpuiin thawmthat ngai(Partially damaged ) te an ni hlawm. Tanpui ngai ni a chhinchhiah hi Maite khua ah chhungkaw 36, Tawizo ah chhungkaw 86 leh mualpheng ah chhungkaw 6 an ni a, heng bakah hian tanpuina dawng thei an ni em tih enfiah ngai dang te pawh an awm bawk.
Heng chhinchiah tak te hi an account details te lakkhawm /submit kim anih veleh DM&R rules dan angin an account ah tanpuina chhun sak leh tura ruahman an ni. Vawiin a thli leh ruah in chenna in a tih chhiat te hi Saitual SDC, Pu VL Chaka Hmar, Nodal officer for Disaster in a hmunah verification a nei a ni.
