Vawiin khan 21st General Election to Village Council 2025 lo awm tur atana inthlanna felfai leh tha a awm theih nan inkalpawhna kawngpui, kawlphetha tui leh damdawi, etc chungchangah Line department hotute leh NHIDCL lamte nen DC Conference Room – ah District Election Officer, District Bawrhsap ni bawk Dr. Lalngura Tlau kaihhruainain thutkhawmna neih a ni.
Vawiin meeting-ah hian Dr. Lalngura Tlau, District Election Officer chuan inthlanna felfai tak neih a nih theih nan mamawh leh tul hrang hrang zingah tui, damdawi leh kawlphetha chu thil tul leh pawimawh tak a ni, a ti a, harsatna leh buaina a awmlohna tura lo inhmakhua lawk turin line department hotute chu a chah a. DEO chuan NHIDCL lam hotute leh PWD lamte pawh inkalpawhna kawngpui chungchangah harsatna awm lohna tura theih tawp chhuah turin a chah bawk a ni.
Vawiin thutkhawm kaihruaitu Dr. Lalngura Tlau, DEO bakah hian Election Officer, Pu Lalthakima Chhangte, Dr. Zothanpari Chhakchhuak, Sr. MO, District Hospital, Saitual, Pu C Lalfakzuala, SDO, PWD, Pu B Rothangliana, SDO, P&E, Pu Lalzuala, SDO, PHED bakah NHIDCL lam aiawhte an tel a ni.
