Nimin lama ruah tam tak sur avangin Tlawng lui nasa takin a lian a, tuilian avang hian Sairang khuaa chhungkaw 57 chu hmun him lama thiar chhuah niin hriat theih chinah tui len ber tum ni a sawi a ni. Sairang Branch YMA Secretary HVL Muanpuia sawi danin nimin lama ruah sur avang hian chhungkaw 57 lai chu hmun him lamah thiarchhuah niin heng bakah hian Kali Mandir, Muslim biakin, school leh Anganwadi te chu tui hian a chim bawk a ni.
Hetihlai hian vawiin lamah ruahtui a tlak belh tawhloh avangin tui pawh a kam hret a, chhungkaw thenkhat chu an chenna inah an inthiar lut leh mek a ni.
Sairang Branch YMA Secretary chuan tun tuma tuilian in a chim chin chu an hriat theih chinah a san ber tum a thleng a ti a, Kum 2018 kuma Disaster Management and Rehabilitation Department in a chim chin lung a phun pawh a pel tih a sawi a ni.
