Bungbangla, Zemabawka Pork & Poultry Processing Plant chu tangkai taka hman theih turin buatsaih mek a nih thu MIFCO chairman chuan a sawi.MIFCO Chairman Pu Lalthazuala Rawite chuan Inrinni khan sa sawngbawlna tur hmun buatsaih mek hi a hmunah tlawhin, tun atanga hun rei loteah Arsa leh Vawksa sawngbawlna hmun hi hman theihin peih a ni dawn a, mipuiten sa thianghlim ei tur an nei thuai dawn a ni, a ti. Pu Lalthazuala Rawite chuan, kum 2008 khan he hmun hi hman theih turin hawn a lo ni tawh a, sawrkar hmasate khan eng harsatna nge an neih a hriatpui lova amaherawhchu vawiin thlengin an la hmang lo, a ni a ti a.
Pu Lalthanzuala chuan tun sawrkar chuan tangkai taka hman an tum thu leh tunah hian a building leh khawl chhe lai te siam thain thawmthat ngaite thawmthat mek a ni a, rei loteah peihfel a nih tur thu a sawi a. Tunah rih chuan vawksa sawngbawl a ni phawt ang a, arsa leh bawngsate pawh hmalak theihna awm ang ang dap chhoh zel tum a ni.
Sorkar chuan MIFCO dinchhuah na’n he sa sawngbawlna hmun hi hman a tum a, ram mipuiten an la chhawr dawn chauh a ni a ti a. Chhingchhip-a thei sawrna hmun pawh thuam tha-in an sawr mek tawh niin a sawi bawk a. Pork & Poultry Processing Plant-ah hian sa thianghlim chauh buaipui a ni dawn a, mithiamte’n an lo endik vek zel dawn tih a sawi a ni.
