Central YMA Kumpuan Committee chuan tunhnai khan ruihhlo thahnem tak leh ruihhlo kaihhnawihah mi 45 an man a, heng an man te hi thuneitute hnenah pek niin Central YMA Counselling pek te pawh an awm.
Cenral YMA thuchhuah tarlan danin CYMA Kumpuan Committee in tunhnaia ruihhlo leh a kaihhnawih an man te hi Heroine Hawng 11 leh Tictac 29 bakah Alprazolum tablet 16 leh Nitrazepam tablet 48 a ni a, Kuhva Ro – Truck Trip 8 leh Gas tihchingpen laia man Gas cylinder 44 a awm bawk a ni.
Central YMA chuan ruihhlo kaihhnawiha an man thenkhat hi CYMA Counselling pek an nih thu sawiin Synod Social Front in CYMA-ah Counsellor a dah a, Counsellor hian ruihhlo kaihhnawiha man te hi nitin Counselling a pe thin a ni.
