Excise & Narcotics Department chuan nimin khan Heroin thahnem tak an man. Excise & Narcotics Department chuan nimin khan Champhai leh Zokhawthar inkar kawngpui, Sapianmaksak hmunah Heroin Kg 2 leh gram 475 (Hawng 202) leh a neitu nia puh – Lalruatmawi (kum 29) Chekan, Myanmar-a khawsa nia inchhal an man a, Heroin a phurhna leh a thuhrukna Hyundai Verna Car (MZ01 H – 2465) pawh hrensak nghal a ni.
Heroin vanga man, Lalruatmawi hi The Narcotic Drugs & Psychotropic Substances Act, 1985 tlawhchhanin thubuai siamsak a ni, He thubuaiah hian thiam loh chantir a nih chuan Kum 10 atanga Kum 20 thleng Jail tan leh pawisa cheng nuai 1 atanga cheng nuai 2 thleng chawi tura hrem theih a ni.
