Aibawk leh Tachhip inkar Salem Venga leimin in a chhilh Pu Matthew Lalchhanhima leh a nupui Pi Vanlalruali te chu leimin atanga a ni 3-ni vawiin thleng khan hmuh an la ni lova, Aibawk hi Aizawl atangin tlawh pawh theih mai anih loh avangin vawiin chawhnu lam khan Rapid Response Team an thleng chauh a, mi 16 awmna Rapid Response Team hian motor kal theihna chin Muallungthu atangin ke in Aibawk hi an thleng a ni.
Aibawk khawtlang hruatute sawi danin, an khaw thenawm ten pui ve mase, helai phei khua zawng zawngin leimin avangin harsatna nasa takin an tawk a, heti chung hian chhanchhuah hna an thawhpui thei a, ruang zawn hna pawh chhunzawm zel an tum a ni.
Cyclone Remal si perin a ken tel ruahsur nasa vanga leiminin chenna in a hnawl vanga nunna chante zinga ruang pakhat chu vawiin khan hmuh belh a ni a. Ruang zawng hian mi tlawmngaite leh Central YMA-in hnatlang tura a ruat YMA Branch thahnem tak vawiinah an thawk chhuak a. Hlimen leiminin chenna in a hnawl vanga nunna chan ruang pakhat chu vawiin chawhma khan hmuh a ni a; heti hian Hlimen bika leiminin a hnawl ruang te chu hmuh kim a ni ta a. Hlimen leiminah hian Mizo pahnih leh hnam dang paliin nunna an chan a ni.
Hetih lai hian Aibawka ruang la hmuh loh pahnih leh Melthuma ruang pali-te chu ngawrh taka zawn zui zel a ni a, chanchin buatsaih lai hian hmuh an la ni lo.
Disaster Management & Rehabilitation (DM&R) Department chhin chhiah dan chuan tun hnaia ruahsur leh thli tleh vang khan Mizoram chhunga khaw 167-ah chhiatna a thleng a. Chhiatna hi Aizawl District-a hmun 59, Lunglei District-a hmun 30, Siaha District-ah hmun 9, Champhai District-ah hmun 12, Kolasib District-ah hmun 8, Serchhip District-ah hmun 11, Lawngtlai District-ah hmun 8, Mamit District-ah hmun 11, Saitual Dis
