Aizawl-ah chuan Vaivakawn Zohnuaia Pu Sangthanmawia in chu a chim a. Hemi avang hian chhungkaw 23 chu hmunhim lamah suanchhuah an ni. Vaivakawn Zohnuai Primary School hnuai-ah lei a min nasa hle a, Zohnuai kawngah hian Sabereka-khuangkaih a nasa hle bawk. Puan tawh angin Hunthar Govt. M/S bul chu nasa taka a chet belh avangin he kawng hi lirthei zawh atan a him tawh lova, chhiatna nasa zawk thleng thei laka mipui leh lirthei khalhtute an him tlan nan Hunthar Govt. M/S bul kawng chu khar rih a ni.
Kulikawn leh Saikhamakawn inkar kawngchhak lei a min bawk a, Ainawn venga Pu Biakenga in a khi nasa hle a. Hemi avang hian Pu Biakenga te chhungkua tiamin chhungkaw 3 chu hmun him lamah sawn chhuah an ni a.
Kolasib district-a Rengtetlangsang bula leimin avangin Aizawl leh Silchar inkar kawngpui a ping a. PWD chu leimin thianfai tur hian hriattir an ni tawh a. Serchhip district-a Khawbel-ah leimin engemaw zat a awm bakah Leisang-ah leiminin kawng a hnawh a, Chhingchhip leh Hualtu inkar kawng a ping baw.
