Vawiin khan RTI Act 2005 leh Mizoram RTI Rules 2010 chungchangah Saitual DC Office-ah Training buatsaih a ni a. Training hi Pu H. Dolianbuaia, MCS, Secretary, Mizoram Information Commission in a kaihruai a, Upa K. Lalzika’n hun serh hmangin DC Pu k. Lalrohlua’n Welcome Speech a nei a. John Neihlaia, Chief Information Commissioner, Mizoram Information in Keynote Address a nei a, hemi hnu hian Resource Person Pi Lily, Dy. Secretary, Mizoram information Commission in zirtirna a pe a ni.
He hunah hian Pu H. Dolianbuaia chuan RTI chu Sawrkar tha, Sawrkar dik, langtlang Sawrkar siam tura hmanraw pawimawh ber a ni a, RTI atanga hmuh chhuah pawimawh taktak a ni a. Mizoram tana mellung pawimaw tak, Politician ten ram an tih chhiatna tur vengtu tangkai tak a ni a ti a. MSSB chungchangah Politician an inrawlh thin an tih kha RTI hmanga zawh chhuah a ni a, MLA zin loh bill la te pawh kha RTI hmanga dil chhuah a ni a, Civil Hospital chhawng khat a bo tih pawh RTI hmanga zawh chhuah a ni. Mizorama thil dik lo Sawrkarin a tih tamtak kan chin chhuah hi RTI hmanga dil deuh vek a ni a ti bawk.
Hemi hnu hian RTI Act chungchang inzirtirna hi neiin inzirtirna neih zawhah zawhna leh chhanna hun hman a ni a. Zawhna leh chhanna hun hman zawhah Pu Mangjangam Touthang, IIS (Rtd), Information Commissioner in lawmthu sawina neiin hun tih tawp a ni.
