Ramri buai chungchanga Mizoram leh Assam sorkar official-te chu April thla chawhma lamah inbe tura rawt a ni. Home department hotute’n Akashvani Aizawl an hrilh danin Assam official-te’n March thla tawp lama inbiak an rawtna chu ngaihtuah a ni a.
Mahse, sorkar tangka kum tawp dawn hnaih a nih tawh avangin remchang lovah ngai-in April chawlhkar hmasa ber emaw chawlhkar hnihna-ah emaw inbiak ni se tiin rawtna an siam niin an sawi a.
A hun leh ni tak tur chu la tihchian leh tur a ni thu an sawi bawk . Official-te inbiakna tur hi Assam sorkarin Guwahati khawpui-ah a thleng dawn a ni.
