Tunkar Thawhtan ni kal ta khan Parliament Committee Room ah Parliamentary Committee on Railway meeting neih a ni a. He meeting ah hian Rajya Sabha MP Pu K.Vanlalvena chuan rawtna leh ngenna chi hnih a thlen.
Pu Vena chuan Bairabi to Sairang Rel kawng siam mek chu zawh a nih dawn hnaih thu report pe in Sihhmui Rel Station chu Myanmar ramri thleng a siam ngei a tul thu leh chu chu Economic hmasawnna atan leh ram venhimna atana thil pawimawh a nih thu a sawi chhuak.
Railway hnuaia hna lak thar tur te exam centre Guwahati ah chauh a awm avangin Mizoram atanga exam a harsat thin thu sawiin Aizawlah Exam centre dah ngheh ve a tul thu a sawi chhuak bawk. Parliamentary Committee on Railway meeting hi Chairman ni lai Pu CM Ramesh an a kaihruai a. MP 20 leh Railway official te an tel bawk a ni.
