Mizoram sorkar chuan nitha (solar power) hmanga megawatt 45 pe chhuak thei tur solar plant/solar park 4 din belh turin hma a la mek.
Power department hotute sawi danin Pamtul ram, North Vanlaiphai-ah eng megawatt 20 pe chhuak thei tur solar plant din tura ruahman a ni a, Vantawng khawhmun ram, Thenzawl leh Keifang, Saitual ramah megawatt 10 ve ve pe chhuak thei tur leh Sumsuih a Dilkawn ramah kawlphetha megawatt 5 pe chhuak thei tur ruahmanna kalpui mek a ni bawk a ni.
Hetih lai hian tun hnai a Assembly a Opposition leader Pu Lalchhandama Ralte zawhna ziaka chhangin Power and Electricity Minister Pu F. Rodingliana chuan Tuivai Hydro Eelectric Power hi a tir atangin megawatt 210 pe chhuak thei tura ruahman a ni a ti a. Tun sorkar thar hian uluk taka a zirchian hnuah megawatt 150 pe chhuak thei tura ruahman a ni ta zawk a. Chumi tur chuan Detailed Project Report (DPR) pawh ruahman thar leh tur a nih thu a sawi a ni.
